بلشنا بخبز الطابون وكملناها بمسخن🥟🥟🍗🍗 يسعد مساكو يا صبايا... اليوم عملت خبز طا

بلشنا بخبز الطابون وكملناها بمسخن🥟🥟🍗🍗 يسعد مساكو يا صبايا... اليوم عملت خبز طابون كتير طيب وهوين كتير وطبعا على خبز طابون سخن كملتها بمسخن...روعة وبشهوووو ما شاء الله المقادير: معلقتين كبار خميرة معلقتين كبار سكر كيلو طحين 3/4 كباية زيت زيتون معلقة وحدة كبيرة ملح مي دافية بلشت بكبايتين وربع وبعدين زدت لحد ما العجين تماسك طريقة التحضير: بجاط بحط المي والسكر والخميرة وبحركهن وبتركهن لمدة 5 دقايق بعدين بضيف باقي المكونات الي هني الطحين، الزيت زيتون والملح ومنعجن لحد ما تصير العجنة متماسكة (انا زدت اكتر من كبايتين وربع مي دافية لحد ما تماسكو) بعد ما منعجن المكونات منيح مندهنها بزيت زيتون ... وانا قطعتها ل 6 كرات ( كل وحدة حسب كيف بدها حجم الخبز) كل قطعة كورتها ودهنتها بزيت زيتون وحطيتهن على بشكير وخطيتهن كمان بحرام عشان يخمرو منيح... بعد حوالي 45 دقيقة بلشت شغل فيهن... قبل ما أرق كل كرة حطيت تحتها طحين ورقيتها (مرفق صورة) وحطيت قلاية على النار على نار هادية وبلشت اخبزهن بالقلاية.. والف صحة وهنا🤗🤗🤗😍