فطائر بالزعتر الاخضر 👌👌 فطائر بالزعتر الاخضر :- زعتر اخضر مقطم بصل مفروم شطة م

فطائر بالزعتر الاخضر 👌👌 فطائر بالزعتر الاخضر :- زعتر اخضر مقطم بصل مفروم شطة معلقة بهارات مشكلة حسب الرغبة رشة فلفل اسود ملح رشة ملح الليمون حسب الرغبة شوي زيت زتون طريقة التحضير : بتنقعي الزعتر بملح ومي وبعدها بتكبي عنهن المي وبترجعي بتغمريهن بكمان مرة بمي وملح وبتضلي تلحيهن لحتى تصير ميتهن نضيفة .. وبعدين بتعصريهن منيح بعد ما تأكدتي انو ميتهن صارت نضيقة . بعدها بتفرديهن على شي وسيع وبتنشفيهن منيح من المي بتغدري بورق المطبخ .. بعدها بتحطي عليهن البصل وباقي المقادير المكتوبة فوق وهيك بتكون الحشوة جاهزة .. طريقة العجينة :- كيلو طحين معلقة ونص سكر معلقة ملح معلقة خميرة 3ملاعق لبن 3ملاعق حليب ناشف ومي دافية وبتعجنيهن منيح وبتتركيها ترتاح من نص سيعة لسيعة لحتى تختمر . بعدها بتقسمي العجينة لدوائر وبتتركيهن عجنب مدة 5 دقايق . بعدين بتجيبي قطعة عجينة بترقيها منيح على شكل دائرة وبتخلي العجينة شوي رقيقة . بعدين بتحطي طبقة خفيفة من حشوة الزعتر او كيف بتحبي انتي وبتصيري تسكريها من الناحيتين بتجيبي الناحة اليمين وبعدين الناحة الشمال بتسكريها عاليمين وبتجيبي كمان طبقة زعتر وبتفرديهن بالنص وبترصيهن عالعجينة شوي بعدها بترجعي بتطوي الناحة اليمين والشمال وبتسكريهن ع بعض هيك بطلع عندك شكل العجينة مربع .. بتدهنيها زيت زتون وبتحطيها عجنب ترتاح شوي . بعد ما ارتاحو بترجعي بترقيها كمان مرة بايدك لحتى تصير العجينة رقيقة . وبعدين بتحطيهن بصنية الفرن وبتخبزيهن على حم عالي . وصحة وهنا