اول شي بحلوس البصل مع الفلفل الحار مع زيت زيتون بس بضيف كميه زياده شوي لانه الباذنجان بده زيت بالمقلاه وبتركهن لحتى يذبلو وبعدها بضيف مكعبات الباذنجان وبقلبهن مع بعض وبتركهن وبغطي المقلاه على شان يستوا وبهالوقت بفرم بندوره ناعم ناعم او ببرشها مع ثلاث سنان ثومه بهرسها ناعم وبضيفهن عليهن وبفلبهن مع بعض بعدها بضيف رشة بهارات وفلفل اسود ومعلقة ماجي وملح حسب الرغبه وربع كاس ماء ساخن وبغطيهن كمان ثلاث دقاىق لحتى يستوا ويتجانسوا مع بعض وبقدمها
الف صحه وهنا
دلال احمد مرار
