×
عن مطبخ هسا
تواصل معنا
اخر المنشورات
شيفيم
وصفات
المفضلة
Hasa TV
الاصدقاء
الصور اظهار الكل
الفيديوهات اظهار الكل
الوصفات اظهار الكل
شروط الاستخدام
وصفات
21706 مرام عبد الغني عمارنه
10/12/20 11:50

كعكة السميد مع الكراميل

المكونات : 1¼ كاسة الا ربع سكر 1¼ كاسة الا ربع سميد متوسط 1 لتر حليب ⅓ ثلث كاسة جوز الهند 1 معلقه صغيرة زبدة 1 معلقة كبيره فانيلا سائل مكونات الكراميل : 1 كاسة سكر 1 كاسة ماء مغلي 1 كاسة حليب 1 معلقة كبيرة نشا ذره 2 معلقتين كبار زبده الكعك 1 كبيره فانيلا سائل طريقة التحضير : اول اشي منجيب طنجره وسط منحط فيها كاسة الا ربع سكر وفوقيها كاسة الا ربع سميد واحد لتر حليب ومنخلطهن مع بعضهن ..وبعدها منحطهن على الغاز على نار وسط ومنضلنا نحركهن لحد ما يتماسك (يجمد شوي) الخليط .. وبعدها منحط فوقيهن ثلث كاسة جوز الهند ومعلقه صغيره زبده ومعلقه كبيره فانيلا سائل ومنحركن شوي لحتى يتماسك الخليط مع بعضو ومنطفي الغاز ..  وبعدها منجيب صنية (اي صنيه بدك اياها) ومنبللها شوي بماء عادي ومنزل المي .. وبعدها منجيب الخليط ومنحطو بالصنيه ومنحطها بالثلاجه لحتى تجمد .. طريقة تحضير الكراميل : منجيب قلاية وسط ومنحطها على نار هاديه ومنحط فيها كاسة سكر ومنذوبو لحتى يصير سائل ويوخد اللون الذهبي .. وبعدها منضيف عليها كاسة ماء مغليه بالتدريج ومنحرك لحتى يذوب السكر منيح .. وبعدها منجيب كاسة حليب ومنذوب فيها معلقة النشا ومنحطهن على الكراميل ومنحرك لحتى يتماسك (يجمد شوي) .. وبعدها منحط معلقتين كبار زبده ومعلقة كبيرة فانيلا سائل ومنحركهن منيح لحتى يتماسك (يجمد شوي) .. وبعدها منجيب الصنيه الي حطيناها بالثلاجه ومنحرر الاطراف شوي شوي ومنجيب صنيه كبيره ومنقلب القالب عليها .. وبعدها منجيب الكراميل ومنحطو على وجه الكعكه ومنزينها بالمكسرات او اي زينه بتحبوها ومنقدمها بارده .. صحه وهنا 🥰 Maram El-Ghane Amarne

49 3
إعجاب تعليق مشاركة
39572
امنة علوش 10/12/20 15:06
صحة وهنا
20049
ليلى مغربي 12/12/20 08:06
الف صحه وهنا
21706
مرام عبد الغني عمارنه 24/12/20 22:13
على قلبكن تسلمن 😊