×
عن مطبخ هسا
تواصل معنا
اخر المنشورات
شيفيم
وصفات
المفضلة
Hasa TV
الاصدقاء
الصور اظهار الكل
الفيديوهات اظهار الكل
الوصفات اظهار الكل
شروط الاستخدام
وصفات
62063 ansam
15/01/21 12:36

مقروطة التمر

بجهز كيلو ونصف طحين ( 1500 غرام ) بضيف عليه ملعقتين كبار شومر مطحون ، ملعقتين كبار يانسون مطحون ، ملعقة كبيرة محلب مطحون جديد ، 3 ملاعق كبار حليب بودرة ، ملعقتين كبار سمسم وملعقتين كبار حبة البركة ، وبخلط المكونات سوا ، 🍀 بضيف عليهن 850 غرام دهن وهو خليط من : 350 غرام سمنة حيواني استعملت المراعي 300 غرام سمنة نباتية استعملت الشوكة والملعقة 200 غرام زيت نباتي ، ممكن تستعملو بس سمنة حيواني ، 🍀 بسخن خليط الدهون ليدفى شوي وبصبه على الطحين وبحرك بالملعقة ليبدأ الطحين يتشرب السمنة ، بعدين ببدأ بفرك الطحين بالايد حتى يتغلف منيح بالدهن ، 🍀 بترك الخليط يرتاح شوي وبجهز خليط التمر : احتجت بين الكيلو ونص والكيلين تمر مطحون ضفت عليه شوية زيت زيتون ، هيل مطحون ، قرفة ، وعجنته كويس 🍀 بجهز خليط مكون من 3 كاسات مي دافية بدوب فيها ملعقة صغيرة خميرة فورية حتى أعجن فيها ، 🍀بقسم خليط الطحين ل 3 أقسام ، باخد أول قسم و باخد كاسة مي بعجن فيها بالتدريج ممكن احتاج أقل من كاسة حسب نوع الطحين وبدون مبالغة بالعجن بس لتصير عجينة طرية مريحة بالشغل بعد هيك بمد رغيف من العجينة بين ورقتين نايلون وبمد رغيف تمر بين ورقتين نايلون ، 🍀 بطبق رغيف التمر على رغيف الطحين وبلفه رول بمهد الرول بايدي ليتساوى السطح ، بقطعه بالسكين بالحجم اللي بحب ، وباخد حبة حبة بنقشها بالملقط ، ممكن تتركوها سادة زي ماتحبو ، برتب الحبات بالصينية مع ترك مسافة بسيطة بينن ، وبخبز بفرن حامي من تحت أول لتتحمر بحمر الوجه.

46 2
إعجاب تعليق مشاركة
35382
روزان 15/01/21 16:14
صحتين وهنا
2777
دعاء مجادله(ام علي) 22/01/21 06:02
يسلم ايديكي بتشهي